Դեռևս 2019թ․-ին, երբ «Պետտուրքի մասին օրենքում» ՀՀ կառավարությունն առաջարկեց փոփոխություններ, համաձայն որոնց՝ 14 հազար դրամ պետական տուրք սահմանվեց Հայաստան ներկրվող ցեմենտի յուրաքանչյուր տոննայի դիմաց (սկզբում կառավարությունն առաջարկում էր 22 հազար դրամ, սակայն հետո, խորհրդարանականների հետ քննարկումներից հետո, որոշվեց այն դարձնել 14 հազար դրամ): Այդ փոփոխություններից հետո հրավիրվել էր մամուլի ասուլիս, որին մասնակցել էին նաև Ասոցիացիայի խորհրդի անդամներ Վահե Պետրոսյանն ու Արմենք Սաքապետոյանը, ովքեր դեմ էին հանդես եկել այդ փոփոխություններին՝ հիմնավորումով, որ ունենք տեղական արտադրություն, որը ժամանակին վաճառվում էր 50 հազար դրամ, այսօր (2019թ․-ին) 40 հազար դրամ: Եվ ունենք այլընտրանքը՝ ներմուծվող ցեմենտը։ Իրականում իրանական ցեմենտը եղել է ավելի մատչելի և որակյալ։ Իրանական ցեմենտի գինը միշտ եղել է զսպող գործիք տեղական շուկայում արտադրողների համար, այսինքն, հանդիսացել է մրցակից։ 22 հազար դրամ տուրք սահմանելու դեպքում, նմանատիպ եղանակով ցեմենտի գինը բարձրացնելը ուղղակի փակելու է մրցակցության ապահովման վերջին լուսամուտը։
Փաստացի, երեք տարի անց մեր գործընկերները ևս եկան այն համոզման, որ շատ կարևոր է ապահովել այլըտրանքային ցեմենտի ներկրումը շահեկան պայմաններով։
🎥Անդրադարձ